शिवबा राजा चारित्र्यवान!
शिवबा राजा चारित्र्यवान!
शिवनेरी गडावर जन्म होता
पाठी देवी 'शिवाई' |
'शिवबा' शोभे पुत्र जिला
होते नाव तिचे 'जिजाबाई' | |१| |
घेऊन आशिर्वाद जिजाईचा
शिवबा लढाईस जाई |
शिवबा सम 'पुत्र' जिजाऊ सम
'माता' पुन्हा होणे नाही | |२| |
कल्याणच्या सुभेदाराची होती
एक लावण्यवती सून |
शिवबानं गौरवून मातेसमान
तिला दिली पाठवून | |३| |
तान्हुल्यासाठी मोठं दिव्य
केलं एका माऊलीनं |
अशक्य 'सुळका' उतरून
गेली मोठ्या हिमतीनं | |४| |
शिवबानं तो बांधला बुरूज
'हिरकणी' नाव देऊन |
सत्कार हिरकणीचा केला
मातृप्रेमाची साक्ष ठेवून | |५| |
शिवबा गौरवी 'स्री'ला
माताभगिनी समान |
शोभे राजा मर्द मराठा
'शिवबा' खरा चारित्र्यवान | |६| |
माता भगिनींचा आज
हरघडी होतो अपमान |
त्यांच्यावरील पाहून अत्याचार
जाते खाली मान | |७| |
भांडणात नसतांना दिली जाते
आई बहिणींवरुन शिवी नवी |
'शिवबा' नसनसांत भिनायला
छाती व नीती मर्दाची हवी | |८| |
छत्रपती शिवाजीराजे भोसले यांच्या चारित्र्याचा मागोवा घेण्याचा माझा एक प्रयत्न. आज ही कविता तरुणांना स्फूर्ती दायी ठरावी असा विचार करून मी लिहिलेली आहे.