शेती माती

कथा सांगते शेतकऱ्याची

ऱाहील उभे चित्र समोरी

गळफास लावता जगेल कैसे

कुटुंब त्याचे या भूवरी ||

जनतेची पोटे भरता भरता

आबाळ होते शेतकऱ्याची

घरात नाही दाणा पाणी

आसवे भागवती तहान पाण्याची||

घाम गाळती शेतामध्ये

करता मशागत मातीची

प्रणाम माझा शेतकऱ्याला

करतो रक्षण मायभूमीची ||

करता पेरणी नांगरणी

तुटतो पाठीचा कणा

कांदा मिरची खातो भाकरी

असतो राहण्यात साधेपणा ||

नसे मित्र सखा सोबती

आपुलकी मात्र जपतो मनी

गांडूळ त्याचा मित्र शोभतो

आयुष्य देतो शेतीस अर्पूनी ||

कर्ज फेडता सरते जीवन

डोळ्यात पिकांची स्वप्न सोनेरी

भारतास लाभले हे भूषण

शिरपेच शोभे माथ्यावरी ||