शब्दांचा कहर

कविता लिहण्याआधी

विचारांचा मनात कहर

कल्पनेच्या झाडाला

येते शब्दांचा बहर

भावनांच्या सागराला

येते मनात उधाण

विचारांच्या दरीत

मन होत बेभान

लाटांसारखे शब्द 

रोज भेट घेतात

जाता जाता लाटा

काव्य सुचवून जातात

सभोवताली झाडे

डोळ्यांसमोर डोलती

सांगती आवाज मनाचे

शब्दांमधूनी बोलती

शब्दफुले पाहून

माझ्यावर हसतात

नाही केले काव्य

ते मजवर रुसतात

घ्यावया जाऊन भेट

त्यांच्याजवळ पोहचते

लिखाणाने होतात खुश

त्यांना मग मी वेचते