शब्द अलंकार

क्षण ओथंबती जणु रेती

मनी विसावली भावप्रिती

ओघ मायेचा आसु गाळती

भार मनीचा शब्द वाहती

मन भावनांचा कुंचला

शब्द हा तयाचा सखा

पानोपानी मी गुंफला

शब्द तो अलंकार जसा 

नक्षी कोरली भावनांची

भाव गुंफले ते मनीचे

कवितेत लिहिलेल्या ओळी

भावरूप मोती कवितेची

अक्षरांस पुसला जो कधी

शब्दांचा तो अर्थ खरा

कवितेत कसा गवसला

जीवनाचा भाव तो सारा 

साज श्रृंगार हा कवितेचा

शब्द भाव अर्थ गोवला

शब्दअलंकार लेऊनि

काव्यात भाव शोभिला 

गुंफता माळ शब्दांची

मोतियांचं लेणं व्हावी

शब्द सोनेरी लेऊनि

कविता ही सिद्ध व्हावी