सौभाग्याचे लेणे

सौभाग्याचे लेणे हे,

तीचेच असते ।

लेण्याने ती किती,

खुलुन दिसते ।

प्रत्येक लेण्याची,

एक वेगळी गोष्ट असते ।

प्रत्येक लेणे हे ,

तीचे जीवाभावाचे असते ।

ते तीला नाही मिळाले,

तर मग ती रुसते ।

आणी मिळाले की,

दीलखुलास हसते ।

पण पाहिले का कधी,

तीचे हे लेणे ,

एका जागेवर ,

कधिच नसते ।

प्रत्येक ठीकानी,

तीच आहे,

हे लेण्यावरुन दीसते।

टीकली कधी नळ,

आरसा,भींतीवर ।

तोरडी कधी डब्यात ।

बांगड्याही रुप बदलतात ।

कधी स्वयंपाक घरात,

कधी बेडरुम मध्ये मीरवतात ।

मंगळसूत्र कधी मधी,

लॉकरची वारी करुन येते ।

केसाची क्लीप नेहमी,

उशीची जागा घेते ।

आंगठीही सतत,

या बोटातून त्या बोटात ।

जोडव्यांचा मात्र,

असतो नेहमी थाट ।

ते नाही चुकत कधी,

आपली वाट ।

आणी जेव्हा ते चुकतात,

आपली वाट ।

तो असतो तीचा,

शेवटचा थाट ।