ऋतु वसंत आला
ऋतु वसंत आला
वृक्ष देती आंम्हा फळे व फुले
हवा सुगंधी नि शीतल छाया |
वसंतऋतू बहरला नाही जर
सृष्टी सारीच जाईल ना लया | |१| |
वसंतऋतूला येऊ देत बहार
गाऊ देत कोकीळ सुंदर गान |
गुलमोहर,पळस फुलता सुंदर
पक्षी,पाखरे ही उडतील छान | |२| |
चराचर सृष्टी येताच बहरुन
फळा फुलांमध्ये येई अत्तर |
वा-यावर मग सुगंध दरवळ
लाजून चूर यौवन ते नवथर | |३| |
घामाने श्रमाच्या भिजता अंग
सुखवून जाई हवेची झुळूक गार |
विसरून जातो सारी विवंचना
नकळतपणे होई श्रमपरिहार | | ४| |
जीर्ण पाचोळा पडतो भूईवर
होतसे जळण होळीच्या दिवशी |
रंगबिरंगी फुलांचे उधळून रंग
रंगपंचमी खेळा सृष्टी सांगे जशी | |५| |