ऋण

मैत्री पुस्तकांची जगी     

शांत मृद्गंधी बीज

विश्वांगणी कर्तृत्वाची

पुर्णत्वाची तजवीज

ओवी अभंग पोवाडे

नित्य अमृताचे झरे

इतिहास रामायण 

धडे संघर्ष पाझरे

दिव्यदृष्टी ज्ञानकुंभी

देई आयुष्यास अर्थ

मोरपंखी अनुबंध

ध्यास स्पंदनी समर्थ

पुस्तकाचे वाटसरू

शोधे सप्तरंगी संग

ध्येय प्राप्ती आत्मसात

धन दातृत्व सत्संग

भविष्याचा कवडसा

अलौकिक पखरण

पुण्य थोर फेडे ऋण

चढे सिंहावलोकन