रेडिओ व टीव्ही
रेडिओ व टीव्ही
1 min
223
रेडिओच्या जागी
नवा टीव्ही आला
कान आणि डोळे
लागले कामाला
ऐकत करायचो
पूर्वी सारेच काम
गप्पा गाणी गोष्टी
नसे कोठे विराम
खांद्याला अडकवून
शेतात घेऊन जायचो
दुपारच्या वेळी मस्त
खूप गाणे ऐकायचो
जेवतांना ही बसायचा
तो आमच्याच शेजारी
बातम्या ऐकण्यासाठी
यायचे शेजारीपाजारी
कानाने ऐकण्याऐवजी
डोळ्याने पाहणे आले
सर्व कामे झाली ठप्प
बारीक पोरं लठ्ठ झाले
होऊ लागला सर्वांच्या
कामाचा खेळखंडोबा
कधीच कंटाळत नाही
टीव्ही पाहताना बंडोबा
रेडिओ ऐकेना कोणी
पडलंय अडगळीला
टीव्ही असल्याशिवाय
आज शोभा नाही घराला