पुरुषा ऐक एक हाक...

ओळखतॊस ना तू स्त्रीमन 

तर जप ते मायाळू धन 

मायेचं तुझ्या फुटू दे श्रीफळ

पुरुषी कठोर भार हृदयाचा 

काढ चिमटा त्यास करुणतेचा 

उधळू दे गुलाल अशा प्रेमाचा

जहागीर नाही मान समज 

प्रत्येक स्त्रीस सन्मान समज 

होऊ दे तिच्या स्वप्नांचा जयघोष

पुरुषसत्तेचा पाढा जरा विसर 

स्त्रीसत्तेचा वाच आता जागर 

दोघांस भरवू दे उद्याची घागर 

ताकद तुझ्या निडर कंठात 

लढ तुझ्या तिच्यासाठी जगात 

बरोबरीचा होऊ दे उदय विश्वात