पुण्य नाही का रे माझ्या गाठी

पंढरीच्या विठुराया कारे

 झालासि सोवळा 

नाही तुझी गळाभेट

पाणी दाटले रे डोळा

 झाले तुझे मुखदर्शन

 परी नाही निवाले मन

 नाही ठेवला पायी माथा

 दूर राहिले तुझे चरण

पंढरीच्या विठुराया

 का रे लोटलेस दुरी

आले तुझ्या पंढरपुरी

 भेटीची आस नाही पुरी

तू अनंत ब्रह्मांडाचा पिता

 चालविसी जगताला

 तू असता पाठीराखा

 आम्ही का भ्यावे करोनाला

तू झालासी देऊळबंदी

आम्ही करावे काय

तूच बाप तुच माय

अंतरले तुझे पाय

देवा येई उठाउठी

 देई मज गळाभेटी

इतुकेशे पुण्य नाही 

का रे माझ्या गाठी