पत्राची दुनिया
पत्राची दुनिया
1 min
237
हळूच उघडून पाहिलं
जुनी कागदाची पेटी मात्र
त्यात सापडली अनेक
पोस्टानी आलेली पत्र
दूर शिकायला असताना
खुशाली कळविलेली पत्र
पैश्याची गरज आहे म्हणून
रुपये मागणी केलेली पत्र
नोकरीसाठी अर्ज केल्यावर
मुलाखतीसाठी आलेलं पत्र
प्रत्यक्षात नोकरीवर रुजू व्हा
म्हणून नेमणूक करणारी पत्र
आनंदाची खुशाली सोबतच
प्रसंगी दुःखाची ही पत्र
त्या पेटीत शोधतांना
असे अनेक मिळाली पत्र
पत्राच्या दुनियेत हरवताना
आठवून गेली अनेक मित्र