प्रतीक्षा

सर्व वेदनांवर औषध ठरतो

नवी उमेद देतो येणारा काळ

चैतन्याने प्रत्येक क्षण जगावा

तुटण्या आधी श्र्वासांची माळ

झरझर वेळ कसा निघून गेला

आमचेच आम्हास नाही उमजले

काय गेले काय उरले याचे हिशेब

नीटपणे अजूनही नाही समजले

सुखाचे क्षण क्वचित काळ राहतात 

दुःखाचे क्षण लवकर नाही सरत

फार पुढे निघून आलोय केव्हाचे

वाटूनही आयुष्य मागे नाही फिरत

काय योग्य केले काय चुकविले

स्वतःचीच करायला हवी समीक्षा

काळाकुट्ट अंधारानंतर आतुरतेने

करतो आपण उजेडाची प्रतीक्षा