परतीचा पाऊस

परतीच्या पावसाचा कुठे दणका

कुठे आभाळात त्या विजांच्या चमका

कुठे वादळ कुठे जखमांच्या ठणका

कुठे शिंतोडे कुठे पुरांचा हो विळखा

कुठे उध्वस्त घरे कुठे गडगडाट

कुठे जलाशयात नुस्ता खडखडाट

वेधशाळेला ही कळेना कुठे वर्षाव

पिकांचे मातेरे बळीराजावर घाव

नवरात्रीचे सृजनशक्तीचे उठाव

मान्सून परतताना निसर्गाचे डाव

बदलला वारा बदलते दिशा वेळ

मान्सून मोसमाचा कसा घालावा मेळ