प्रिय दिनदर्शिका

नवीन वर्षाच्या निमित्ताने

तुला टांगले जाते भिंतीला

महिन्यात काय काय घडले

लिहीत राहते त्या तारखेला

दिनांक वार महिना वर्षासह

तिथीची ही मिळते माहिती

पौर्णिमा अमावस्या सोबतच

कळते केव्हा आहे चतुर्थी

दिवस आठवणीत राहावे म्हणून

त्या तारखेला करते खाणाखुणा

विसरुच शकत नाही तुझ्यामुळे

डोळ्यासमोर येतो पुन्हा पुन्हा

पेपरवाल्याचा महिन्याचा हिशेब

दूधवाल्याचे किती झाले खाडे

घरमालकांसोबत नको कलह

तुझ्यावर लिहीते किरायाचे भाडे

आम्हा गृहिणींची रोजनिशी आहे

हीच भिंतीवर टांगलेली दिनदर्शिका

पावलोपावली आम्हा मदत मिळते

तूच आहे आमची खरी मार्गदर्शिका