परी !!

कुटुंबात कितीही असली माणसे जरी

असायला हवी एक सुंदर नाजूक परी

तिचे अल्लड, अवखळ, खोडकर वागणे

तिचे सुंदर, रेखीव, आणि नाजूक दिसणे

तिचे गोड,मंद, कधी खळखळून हसणे

तिचे हळु, लाडिक, कधी रागावून बोलणे

वाटतं तिच्याकडे नुसतं पाहत बसावं

वाटतं तिचं लाघवी बोलणं ऐकत रहावं

परी प्रमाणे तिचं ते मनमोहक सौंदर्य

तिच्या स्वभावातील अनमोल औदार्य

मुलीच्या स्वभावातील अशी विविधता

आयुष्यात प्रत्येकाला यावी अनुभवता

नाजूक तूकडा आई बाबांच्या काळजाचा 

वरदहस्त असतो सदैव तिच्यावर लक्ष्मीचा