परिचारिका

पांढऱ्या पोशाखात सदैव तत्पर

दिवस असो रात्र सेवेसाठी तयार

रुग्णांची आपुलकीने घेई काळजी

नातलगांना देऊन मानसिक आधार

गरीब असो श्रीमंत सारे एकसमान

तिच्यापुढे कोणी मोठा नाही ना लहान

कर्तव्याला जागून करते ती सेवा

अनेकांना वाचविणारी ती आहे महान

कोणी म्हणती देवदूत तिला

तर कोणी म्हणे साक्षात देव

डॉक्टरांची खरी मदतनीस 

दवाखान्यातील ती अनमोल ठेव

डॉक्टरांएवढी नसेल ती ज्ञानी

तरी तिची महानता लक्षात घेऊ

तहानभूक विसरून केली सेवा

तिचे उपकार नेहमी लक्षात ठेवू