प्रेम

प्रीतीचे आपल्या गुज

सांग ना माझ्या कानात

भेटशील का सांजवेळी

काय आहे तुझ्या मनात

गंधाळलेय मन माझे पहा

सुखाची केलीस बरसात

सख्या मिठीत मज घेण्या

आलास भिजत पावसात

बेधुंद अनावर या भावना

मन बनलेय माझे पाखरू

एकांती होतानाच समरस

प्रेम तुझे मी कसे विसरू

चल फिरूया सागरतीरी

घेऊनी दोघेच हातात हात

साथ देऊया जीवनभराची

वाहतोय हा मंद धुंद वात

केलीस रूजवण तू प्रेमाची

माझ्या हृदयाच्या कप्प्यात

जगूया एकमेकांच्या सोबत

प्रेमाच्या अशा या टप्प्यात