प्रेम

क्षण क्षण जगावा आपण

जीवन हे क्षणभंगुर गड्या

उपभोग सुंदर जीवनाचा

घेशील ना आता तू वेड्या

जपा नित्य प्रेम जिव्हाळा

नको देऊ कधीच उन्हाळा

नित्य वसु दे इथे प्रेमधारा

जसा पाझरतो पावसाळा

गर्व अहंकार नकोच धरू

राहू सर्वजण एकजुटीने

भांडणतंटा नि द्वेष मत्सर

नका राहू हो फाटाफुटीने

ठेवू परस्परांमध्ये माणुसकी

जोडूनी प्रेमाची अशी नाती

बांधू घट्ट ती रेशीम धाग्याने

वाढवू आपसांतली ही प्रीती

आजचा दिवस हाच आपला

जगून घ्यावाच नित्य सुखात

हरी नाम स्मरण करून सदा

घेऊ अन्नाचा हा घास मुखात