पोलीस
पोलीस
लोकं किती नावं ठेवतात याला
किती काही बोलतात याला
ज्यांच्या संरक्षणाचा घेतला आहे विडा
त्यांच्याशीच द्यावा लागतोय लढा
सण उत्सव असू दे कधीच नसते याला रजा
आपण मात्र घरात बसून करत असतो मजा
दंगल मोर्चे असले की आपल्याला आठवतो
मग बाकीच्या दिवशी आपण कसे विसरतो
ऊन वारा पाऊस कशाची न करता पर्वा
देश रक्षणार्थ सदैव असतो खंबीरपणे उभा
आयुष्य सारं याचं गेलं करण्यात बंदोबस्त
चोवीस तास असतो ड्युटी करण्यात व्यस्त
घराकडे कधी देता आलं नाही लक्ष
जनतेसाठी आपलं पोलिस खातं आहे कर्तव्यदक्ष
देशासाठी सोडलं यांनी घरदार
जनतेलाच मानलं यांनी आपला परिवार
तुझ्या खाकी वर्दीला सलाम
अन् त्या वर्दीतल्या देवाला प्रणाम