पायवाट

मला चालायचे आहे खूप दूरवर

मनात घेत अंदाज पायवाटाचा

कुणाची तरी मिळेल मला साथ

म्हणून रस्ता शोधतो पाउलवाटाचा

चालता चालता मिळाले संत ऋषी

त्यांनी दिली जगण्याची शिकवण

त्यांनीच सांगितलेल्या चांगल्या वाटेवर

चालू लागलो पावलावर पाऊल ठेवून

आदर्श व्यक्तिमत्त्व माझे आई-बाबा

त्यांच्या वाटेवर माझे पाऊल पडले

त्यांनी निर्माण केलेल्या वाटेवर

मला कसलेही त्रास नाही झाले

भाऊ-बहीण हे ही होते माझे मार्गदर्शक

यशस्वी जीवनात त्यांचा ही आहे वाटा

ओळखी अनोळखी मित्राच्या मदतीने

जीवनात निर्माण झाल्या आनंदाच्या लाटा