पावसा कधी कळेल तुला.....

पावसा कधी कळेल तुला, थांग माझ्या जीवाचा, 

पावसाचे थेंब शमवतील का दाह माझ्या आसवाचा! 

पावसा कधी कळेल तुला, वेग माझ्या भावनांचा, 

भार सोसवेल का तुला, वाहणा-या माझ्या कवनांचा!

पावसा कधी कळेल तुला, किती आठव भिजले,

साचविलेस डबके पाण्याचे, सारे तिथेच थिजले!

पावसा कधी कळेल तुला, बीज प्रेमाचे पेरले,

इतका बरसलास की वाहून गेले, काही न उरले!

पावसा कधी कळेल तुला, पूर आणलास चोहिकडे, 

कधीच कळणार नाही का तुला, माझे मन मात्र कोरडे!