पाणी

मैना राणी गाते मधुर गाणी 

झूळझूळ वाहते मंजुळ पाणी||धृ||

रानीवनी झाडवेली बहरली 

मनमयूर हिरवळीला साद घाली 

मनाचा झुला झुलला पानोपानी 

झुळझुळ वाहते मंजुळ पाणी||1||

साथ हवी मजला सख्या तुझी 

प्रीत फुलेल मंदमधूर सांझी 

आणखी ना काही हवे जीवनी 

झूळझूळ वाहते मंजुळ पाणी||2||

सृष्टी सारी सप्तरंगी रंगली  

रम्य रूपात अनोख्या सजली 

निसर्ग हुंकार येतो मम् कानी 

झूळझूळ वाहते मंजुळ पाणी||3||

मैना राणी गाते मधुर गाणी 

झूळझूळ वाहते मंजुळ पाणी||धृ||