पानगळ

ऊन वारा पाऊस 

झेलून पाने थकली

उडाला हिरवा रंग

पिवळी पाने पिकली

पिकलेल्या पानांची

पानगळ सुरु झाली 

वाऱ्यासंगे पिकलेली

पाने अलगद उडाली

पिकलेल्या पानांचा

सडा झाडाखाली

पिवळ्या पानी जणू

धरतीही मस्त न्हाली

शाळा घर अंगणात

पानगळीचा कचरा

कंपोस्ट खत बनवून

करावा याचा निचरा

पानांविना ओक्सेबोक्से

झाडाचे रुप सुने सुने

फांद्यावर पुन्हा नव्याने

फुटली कोवळी पाने

दरवर्षी नेमानेच चाले

असे पानगळीचे सत्र

नव्या पर्णांनी बहरतो

वृक्ष आमचा सृष्टीमित्र!!!!!