नवा भारत
नवा भारत
उठा चला तरूण हो,
घेऊ क्रांतीची नवी मशाल हाती
लढा उभारू न्यायासाठी,
अन्याया विरुद्ध करू जण जागृती ||१||
देश रक्षणाचा घेऊन वसा,
दुश्मनाला हरवू शिकवू नवा धडा
ज्ञान विज्ञान अस्र शस्र होती
गनिमी काव्याने देवू आपण लढा ||२||
ध्वज तिरंगा अभिमान अमुचा
फडकवी तो बलिदानाच्या उंच कथा
प्रेरणा ध्वजाची घेऊन आम्ही
अंतराळात रचू नव्या शौर्य गाथा ||३||
योग, क्रिडा अन् आयुर्वेद
उत्सव, संस्कार जगाला मार्ग देवू
सत्य, अहिंसा, सत्याग्रह
निसर्ग, मानवतेचे नवे रक्षक होवू ||४||
आतंकवादाला समुळ नष्ट करू
वाढवू विश्वात भारत देशाचा सन्मान
क्रांतिवीरांचे होवू नवे पाईक
अमुचा नवा भारत विश्वाची शान ||५||