नव वर्षाच्या हार्दिक शुभेच्छा!

नव्या वर्षात पाऊलं पडे

वाजती सनई चौघडे

सरले गत वर्ष रडे

या वर्षाला नमन माझे

आनंदाचे तोरण साजे

मिळो सारे ताजे ताजे

नवी साडी नवी माडी

नवी गाडी नवा बांगला

नवा रंगू दे डाव चांगला

नवी जागा नवे शिवार

चहू बाजूने हिरवेगार

लाभो सर्वां सुखी शेजार

खाणे पिणे मौज मजा

तू राणी मी राजा

नको काही गाजा वाजा

शांत सारे सुखी जीवन

सारे कसे पतित पावन

रोज मिळो सर्वा श्रावण

देवा नको वाटू दे कोणा हेवा

येऊ दे घरात खुली हवा

खाऊ घाल आम्हा रोज मेवा

प्रार्थना तुला आगाऊ अशी

शिंकू नये रे कोठे माशी

सदैव राहतोस ना तू सदा उराशी !

एवढेच मागणे तुझे पायीं

मला नाही कोणती घायी

तूच आमची काळजी व्हायी.....!