नकोच येऊस

उलथापालथ करायला 

जीवनात माझ्या 

पुन्हा तू येऊ नकोस सखे 

सावरू शकणार नाही मी तेव्हा 

आतासारखा -१-

संपलेले असेल सारे 

रिकामा खिसा रिकामा मी 

श्रावण माझा मागायला 

पुन्हा तू येऊ नकोस 

तेव्हढाच त्याचा माझ्या डोळ्यांत निवास -२-

अवर्षणा, फार झाले आता 

पुन्हा तू येऊ नकोस 

दाहक अनुभवांनी हैराण जीव 

पहायचे नाही उजाड वैराण 

वाळवंट झालेले भोवती -३-

अमंगळ कल्पने 

पुन्हा तू येऊ नकोस 

मन अस्वस्थ अस्थिर करायला 

अशुभ घटनांचा पट 

उभा करायला -४-