नजरेची भाषा

त्या दिवशी माझा

 covid-19 पॉझिटिव आला

आणि तुझ्या डोळ्यात

 मला भूकंप दिसला

हॉस्पिटलच्या दारात

 एकमेकांना सोडताना

आवरले नाहीत अश्रू पापण्यांना

मनाला जाळत होती शंका

याची देही याची डोळा

पुन्हा भेट होईल का

नजरेत नजर गुंतलेली

न बोलता एकमेकांना

बरंच काही सांगून गेली

डोळे घळा घळा वाहत होते 

न बोलता बोलत होते

एकमेकांना नजरेत 

साठवत होते

जुने क्षण आठवत होते

त्याक्षणी कळली

 जगण्याची भाषा

तु पल्लवित केल्या

 जगण्याच्या आशा

म्हणून कोरोणावर करून मात 

आले फिरुन तुझ्या संसारात

आले फिरून आपल्या घरट्यात