निसर्गराजा

मेघ करी  बरसात!

रूप पालटे सृष्टीचे!!

पाणी वाहे नद्यांतूनी!

रूप खुले डोंगराचे !!1

हिरवाई लेऊनी ती !

तृप्ती धरणीला आली!!

नव्या नवतीच्या गाली!

लाज जशी  उमटली!!2

शाखा पानांतूनी मोती!

टपटप    ओघळले !!

सागराच्या लाटा बघा!

चंद्र  भेटण्यां उसळले!!3

कंप  धरणीचा  होतो!

कुठे लाव्हा  उसळतो!!

हिम  प्रपाती  निसर्ग !

रौद्र   रूप   दाखवितो!!4

पुढे  निसर्गाच्या  सदा !

नम्र   होऊनी   रहावे!!

खुजा  मानव  सृष्टीत !

सत्य  नेहमी  जाणावे !!5