निरोगी जीवन

आपले आरोग्य । निरोगी जीवन ।।

ध्यास मनोमन । सर्वकाळ ।।१।।

अवेळ टाळावी । जीवनशैलीची ।।

छाया वाईटाची । मोहमाया ।।२।।

निश्चय नित्याचा । रोज व्यायामाचा ।।

पथ्य पाळण्याचा । स्वतःसाठी ।।३।।

घेऊनि वचन । कुटुंब सोबत ।।

वसा स्वप्नवत । आनंदाचा ।।४।।

पौष्टिक आहार । मंत्र कायमचा ।।

प्रसन्न मनाचा । स्वच्छ देह ।।५।।

शीतल तेजोमय । चेहऱ्यावरचे ।।

नाही सौंदर्याचे । दडपण ।।६।।

विचार सुंदर । चांगली वाच्यता ।।

मनाची शांतता । सत्कर्माची ।।७।।

सुदृढ आरोग्य । वाढवेल शान ।।

ठेवा बहुमान । शरीराचा ।। ८ ।।