नातं तुझं माझं
नातं तुझं माझं
1 min
625
तुझं माझं सख्या जन्मोजन्मीचं नातं
फुललं बहरलं नव्यानं माझ्या अंतरात ||धृ||
दरवळ पसरलाय दूरवर
जवळीक दोघांची सुमधूर
तव स्पर्शाची जादू अनुभवली एकांतात
फुललं बहरलं नव्यानं माझ्या अंतरात ||१||
साखरझोपेत असता मी पहाटवेळी
अनावर तव भावना खेळण्या खेळी
गुरफटले श्वास तुझ्या श्वासांच्या स्पंदनात
फुललं बहरलं नव्यानं माझ्या अंतरात ||२||
न्हालेय सुखात मी तुझ्यासमवेत
समजले डोळ्यांचे इशारे न् संकेत
फुलव प्रीतीची चांदतज्योत हृदयमंदिरात
फुललं बहरलं नव्यानं माझ्या अंतरात ||३||