मुराबाजी देशपांडे

जावळीच्या खोऱ्यात

हिरा बघा गवसला

चंद्रराव पळाला पण 

योद्धा मुरारबाजी भेटला

पिळदार याच्या मिष्या 

आणि भेदक नजर 

अंग धाडधिप्पाड

युद्धाला हा जबर 

मनी भरोसा मोठा

पुरंदर हाती सोपवला

शिवरायांचा हा मावळा

झुंज देऊन पडला 

मुघलांनी फास आवळला 

पुरंदरला वेढा टाकला 

हा बाजी एकटा उभा

खरा शर्तीने लढला

अवघे सातशे मावळे 

सोबतीस घेऊन

पाच हजार शत्रूंची 

उडवली दाणादाण  

शरीर रक्ताने माखलेले 

शीर धडावेगळे उडून 

लढला शेवटच्या श्वासापर्यंत

हे बघून शत्रूही झाले हैराण 

लालच दिलेरखानने दिली

"जहागिरी देतो तुला "

कौल मी घेणार तुझा व्हय 

आरं मी तर शिवबाचा मावला 

हा लढायला तिखट

शिवरायांच्या शब्दाखातर

दुश्मनांना कापला सपासप 

धारातीर्थ पडला पुरंदरवर