मुकनायक

नका अडकवू जातीच्या चौकटीत बाबांना

निर्मूलनात त्याच्या केला संघर्ष सवर्णांना

स्वयंभू व्यक्तीमत्वाचा धनी नररत्न भीम

तारणहार दीनदुबळ्यांचा श्रध्दा असीम

गरिबीतही सोडला नाही शिक्षणाचा ध्यास

विद्वत्तेचा महामेरू हा नवपर्वाचा व्यास

दिले लोकशाहीला संविधानाचे वरदान

शहाणे करून सोडले सारे जन नादान

अन्यायाला वाचा फोडायला लेखन एल्गार

मुकनायक वृत्तपत्राने चेतला अंगार

भोगले जातीभेद चटके समाज निदान

आज भीमशक्तीला दे बळ त्यांचे बलिदान

निर्मल चारित्र्य, उत्तुंग विभूती विलक्षण

स्मरू त्यांना मुकनायक शताब्दी सोनक्षण