मृदगंध पावसाचा

भिजली सारी धरणी

या मृदगंध पावसाने 

चराचर ही फुलले सारे 

झाले मन प्रफुल्लित आनंदाने ....१

या मृदगंध पावसाने

सारी सृष्टी भिजली

कोमेजलेल्या तरूनांही 

नव्याने पालवी फुटली....२

पावसाच्या पडती जलधारा

दिसे निसर्ग हिरवा सारा 

मातीच्या मोहक सुगंधाने

मंत्रमुग्ध आसमंत सारा....३

पडता पावसाचे थेंब

मातीचा सुटे मृदगंध

मनास मोहवी सारा 

हा अलौकिक सुगंध.....४

पावसाच्या येण्याने 

पसरले इंद्रधनु सप्तरंगी 

आनंदाने बागडते

हे फुलपाखरू बहुरंगी.....५

पावसाची लागता चाहूल

सुटतो वादळ वारा

आनंदाने मोर नाचतो

फुलवूनी रंगीत पिसारा.....६