हिरवीगार सृष्टी

पावसाच्या येण्याने

हिरवीगार होते सृष्टी

पाहता चहुकडे

समाधान पावते दृष्टी...१

निसर्गाचा असे हा 

नयनरम्य देखावा 

पाहून वाटे सर्वांना

या सृष्टीचा हेवा ...२

पावसाचे अलगद थेंब 

पडती तृणावरती 

दवबिंदू हे भासती

फुलते जणू धरती...३

पावसाळा ऋतूत 

रिमझिम धारा बरसती 

अंगावर पडतात सारी 

पाने फुले ही बहरती...४

पावसाच्या येण्याने

शेतकरी सुखावतो

हिरवीगार शिवार पाहून 

वरूणाचे आभार मानतो...५

पानाफुलांनी बहरते 

बळीराजाचे शिवार

पिक येई जोमाने 

देती छाया थंडगार....६

पाऊस पडता फार 

नदी नाल्यांना येई पूर 

आनंदाने मग पक्षीही 

आळवती मधूर सूर...७