मराठी असे आमुची मायबोली

मराठी असे आमुची मायबोली

असे ही आमुची माय आणिक बाप

अशी भाषा ही जिंके अमृतातही पैजा

तिचे उपकार असती आम्हांवरी अमाप

कला आणि साहित्य ऐसे लाभले आम्हां

अन्य कुणा भाषांस असे लाभलेच नाही

साहित्य संमेलनही भरत असे दरवर्षी

कुणा भाषेत साहित्यिकांचे ऐसे भरतच नाही

अशी ही भाषा जिचा गोडवा अवीट

नाही तिच्याविना असे कुणास आधार

गुणगान नेहमी जिचे गातो आम्ही सारे

होतेय तीच आपल्यातूनच हद्दपार

'लाभले आम्हांस भाग्य' ऐसे बोलतो अभिमानी

तरी शिकवतो मुलांस इंग्रजीच्याच शाळेत

मोडकळीस आलेली ती मराठी शाळा

घेऊन जाते पुन्हा भूतकाळात

पुन्हा एकदा या भाषेचे पडघम ऐसे वाजूद्या

हर हर महादेव आरोळीने भगवा ध्वज फडकूद्या

सातासमुद्रापारही डंका नौबतींनी

मराठी पाऊल पुढे पडूद्या