माझा छंद-लिखाण

मी लिहितो कारण 

लिहावंसं वाटतं

रोज स्वतःला

सिद्ध करावंसं वाटतं

 

रोज काहीतरी

वेगळं लिहावंसं वाटतं

नवनवीन विषयांना

आपलंसं करावं वाटतं

विषयांना हात घालताना

जबाबदारी घ्यावी लागते

कोणाच्या भावना दुखावणार नाहीत

याची काळजी घ्यावी लागते

एकदा लिहायला घेतले की

मग मात्र लिहावंसंच वाटतं

प्रत्येक विषयातून समाजाला

काहीतरी द्यावस वाटतं

प्रत्येक विषयावर लिहिताना 

स्वतःला झोकून द्यायचं असतं

नवनवीन काहीतरी लिहून

समाजाचं ऋण फेडायचं असत