मित्रत्व....!

  दसरा मिलन अन मैत्री दिनाला 

   माझा ' मित्र ' हा जिवाभावाचा असतो 

   हे दोन दिवस सोडले तर

   माझा मित्र कुठे असतो ....? 

   आम्हाला स्वार्थाची - स्वत्वाची धुंदी 

   फार चढली आहे 

   मैत्रिदिना पुरतीच 

   मित्राशी बांधिलकी उरली आहे ....!

   दसरा तसेच मैत्रिदिनाला मित्राची 

   आम्हा फारच काळजी वाटते ,

   दोस्तीच्या गाण्यावर ही काळजी 

   दारू पिऊन पचवली जाते ....!

   मित्र -मैत्रीशी आम्हाला 

   काहीच घेणे - देणे नाही 

   स्वार्थ - स्वहिताशी मतलब आमचा 

   कधी डोळे उघडून बघणे नाही ...! 

   ' हॅप्पी फ्रेंडशिप डे ' म्हणण्यापुरताच 

    मैत्रिदिन उरला आहे 

    मित्रत्वाचा स्नेह हा 

    आजचा समाज पार विसरला आहे ....!!!!