"म्हातारपण"

आम्ही आहोंत जेष्ठ नागरिक 

जीवनाची दोर झाली बारीक 

नको आता आम्हाला बदाम खारीक 

पेन्शनची सांगा  केव्हा आहे तारीख 

सकाळी थोडं फिरून येवू 

वेळेवर घाला आम्हाला जेवू 

बीपी, शुगर वेळेवर तपासू 

त्यासाठी डॉक्टरांचे उंबरे घासू 

नातवंडे आहेत आमचा जीव 

आमच्या आनंदाची ती सुंदर ठेव 

सतत आम्ही त्यांचे लाड पुरवू 

आमच्याकडे आहे त्यांच्यासाठी खाऊ 

एके दिवशी आम्हाला जावे लागणार 

माहित नाही तो दिवस कधी येणार 

जास्त दिवस तुम्हाला त्रास नाही देणार 

आमचा आशीर्वाद तुम्हाला  सदाच असणार