माय

लेकीच्या माहेरासाठी

माय सासरी नांदते

सर्वांना समजून घेते

मन मारून जगते

लेकीच्या सुखासाठी

माय सहनशील होते//१//

सासू, सासरे जरी बोलले

हसून सारे निभावून नेते

नवर्‍याच्या सतत सेवेत राहते

प्रसंगी बोलणी पण खाते

लेकीच्या माहेरासाठी 

माय सासरी नांदते//२//

दुखले खुपले सर्व सांभाळते

आयुष्यातील चढउतार 

गमतीत घेते

जीवनमान उंचावण्याचा

प्रयत्न मात्र सतत करते

सर्वांना उत्तम साथ देते

लेकीच्या माहेरासाठी 

माय सासरी नांदते//३//