माय माझी
माय माझी
ए माय, बघ बाय
तू गेली सोडून आम्हा
तुटला मायेचा पान्हा !
जन्म हा आता सुना
तुझवीण जगू कसा
हृदयी तुझ्याच खुणा !
गेलीस तू अशी निघून
सोडून अर्धा डाव
भरले नाही अजून घाव !
नाही कानी तुझी हाक
आठवण तुझी होता
व्याकुळ मन हकनाक !
बोट धरुनी माझे
केले समृद्ध जीवन सारे
वाहिले संसाराचे ओझे !
बनून एक धागा
मायेच्या या गुच्छाचा
पावलो पावली मी जागा !
तुझवीण मी नाही बरा
अपूर्ण हा जीवनमळा
पदर मायेचा फाटला जरा !
आठवते तू अंधुक मला
धावपळीत असे जरा
डोळ्याच्या कडाहि ओल्या !
शिकवण असे तुझी
सेवा असो सर्वांची
अपेक्षा फळांची खुजी !
मायेची शिदोरी ही
मज लाख मोलाची
असे जीवनात या