माणूस
माणूस
माणूस म्हणून जन्म मिळाला
मानवा समजून घे एकमेकाला||धृ.||
स्वतःचे भविष्य स्वतः घडव
मनाची किवाडं उघडी कर
जगणं सुखकर होण्यासाठी
सत्याचीच मानवा कास धर ||१||
ज्ञानामृत घे अन दे सकला
सज्ज राहा कर्तव्य करायला
आनंदाने दुःखाला सामोरे जा
समजून घे नात्यांच्या बाजाराला ||२||
अंतरातले काहूर शब्दात उतरव
नयनातील भाषा लपत नसते
ह्रदयी वसते ते ओठी येते बरं
मन मायेकडे रिते करायचे असते ||३||
मानवा चांगलेच कर्म नित्य कर
चार जीवस्यकंठस्य मित्र जपून ठेव
सुखदुःखात येतील ते मदतीला
अती दोस्तांचे माजवू नको तू पेव||४||
भूतकाळातले घडले ते घडून गेले
भविष्यकाळाचा विचार नकोस करू
जगून घे याच वर्तमानकाळात जीवन
स्मरणाच्या परसात गोल फेर धरू||५||