माझं सासर
माझं सासर
1 min
457
सासरच्या वाट
कुचकुच काट
निजायला घोंगडी
दारी गाय लंगडी
खायला शिळी भाकर
चहाला नाही साखर
कुत्र्याला म्हणावं लागतं
अहो अहो हाडा
बाजूला व्हा घालते सडा
भिजल तुमची शेपटी
नणंद माझी कपटी
नंणंदेच कार्ट
करत किरकिर
भाऊजींना आमच्या
आलय फेफर
जाऊ बाई च्या
नाकात काटा
पाठी लागली
घेऊन सोटा
मामंजी आमचे
घालतात पगडी
पुण्याला जाऊन
आणतात लुगडी
सासूबाईंना चोरून
खाल्ला रोडगा
पाठीत माझ्या
बसला बडगा
असं माझं द्वाड सासर
कोणाला ना मिळावं
मिळाल तरी सये
अश्रूसंगे गिळाव