लोभाचा शेवट खड्ड्यात

आसक्तीचे मुळ! लोभ, परिमळ !

सावळा, गोंधळ ! आयुष्याचा !!1

लाळ गळे त्यांची ! बेचैन, ते जन!

चंचल, ते मन !  आसक्तीने !!2

सतत, धावती ! पैशाचाच रोग !

जीवनाचे,  रंग !  विसरली !!3

लालचाला,  नाही ! कधीच, विश्रांती !

अहोरात्र, मती  ! गुंग, त्यात !!4

धाव, सरड्याची  !  कुंपणा पर्यंत !

हाव, जीवनात  !  कां, करावी !!5

एक, क्षणाचाही ! इथे, ना भरोसा!

लालचाचा,वसा !  घेतो, कसा !!6

लोभाचा,  शेवट  !  कायम खड्ड्यात !

आहे,  एकमत ! विद्वानांचे !!7

साधुसंत, सांगे !  धर्मग्रंथ, वर्णी !

लोक कर्णोकर्णी !  लागुनही !!8

तृण समान ते ! जड, जवाहिर!

पडला,  विसर ! ईश्वराचा !!9

मनुष्य, जन्म  हा ! पुनरपि ,  नाही!

स्वार्थ, आपला ही ! जो तो पाही !!10

"अनिल"  म्हणतो ! ध्यानीमनी ठेव!

पाहतो, तो  देव  !  सर्व, काही !!11