लग्नाचा वाढदिवस

या जन्मी साथ तुझी मिळाली

माझ्या जीवनाला गती आली

शुभविवाहाच्या पवित्र बंधनात

दोघेही बांधल्या गेलो जीवनात

सुरू झाला एक नवा पर्व

विसरून गोतावळा सर्व

तेव्हा कळाले जीवनाचे मर्म

आपल्या हाती आपले कर्म

दिवस सरले तसे रात्र सरली

लग्नाला अठरा वर्षे पूर्ण झाली

सुखदुःखात दिलीस तू साथ

क्षणोक्षणी हातात तुझा हात

सिंहाचा वाटा माझ्या या यशात

सुखे पेरलीस माझ्या संसारात

एकमेकां समजून वाटचाल केली

वेलीवर दोन फुले उमलली

आभार त्या आई-वडिलांचे

आशीर्वाद लाभो कुलदैवताचे