कवितेच्या एका कडव्यात

कविता म्हणजे मनातले भाव

शब्दाने व्यक्त केलेला घाव

जीवनाचं सार असते राव

कवितेच्या एका कडव्यात

कविता म्हणजे मनातील वेदना

शब्दाने मांडतो त्या यातना

वाट करून देतो अनुभवांना

कवितेच्या एका कडव्यात

कविता हे सुख दुःखाचे मिश्रण

प्रेम लोभ माया विरहाचं लेपण

झळकते कधी त्यात मीपण

कवितेच्या एका कडव्यात

एकांतात मी असतो बेजार

कविता हेच देते मला आधार

जगण्याचा बळ घेतो आकार

कवितेच्या एका कडव्यात