कवीचा दिन
कवीचा दिन
आज आहे कविता दिन
मी माझ्या कर्तव्यात लीन
नुकती कुठे जुळवली
मनात कडवी
तोच आली डिलिव्हरीची
पेशंट आडवी
मग कवितेला केले टाटा
एक जीव जगात आला
करीत ट्याहा ट्याहा
नुकतेच कुठे मनात
जुळवले यमक
तोच पेशंटच्या आजाराचे
समजले गमक
औषध उपचारात त्याच्या
गेला सारा वेळ
मग दिला सोडून
शब्दांशी खेळ
नुकतीच कुठे कवितेशी
करत होते यारी
तोच राउंडला आली
मोठ्या साहेबांची स्वारी
मग काय त्यातच
गेला सारा वेळ
सोडून दिला मग
शब्दांशी खेळ
रात्री मग स्वप्नात कविताच आली
शब्दभांडारे केली खुली
त्यातलेच शब्द उचलून
कवितेचा हार गुंफला
आवडला की नाही सांगा बरं मला