कुसुमाग्रजांची साहित्यसंपदा
कुसुमाग्रजांची साहित्यसंपदा
*कु*सुमाग्रजांच्या कथा' वाचून ' प्रतिसाद' देत
'साहित्य सुवर्ण ' पटकावित |
*सु*रक्षित झाली मायमराठी 'मेघदूत' होऊन
'छंदोमयी' व 'पाथेय 'होत | |१| |
*मा*नवला 'राजमुकूट' म्हणून 'दिवाणी दावा'
करून 'जीवनलहरी' होत |
*ग्र*हमानाने गेली पाहत 'अंतराळ ' 'समिधा'
स्वार्था ची टाकून 'मुक्तायन' गात |
*ज*वळून पाहण्या 'दुरचे दिवे'
होवून 'चांदणवेल' 'श्रावणात' | | २| |
*'वि*शाखा' वाचून ती 'विज म्हणाली धरतीला'
'एकाकी तारा' ' देवाचे घर' बघत |
*वा*टले घ्यावा 'शोध शेक्सपिअरचा'
'विदूषक 'रुपात 'मॅकबेथ 'होऊन | |३| |
*शि*व ओलांडून ती भाषेची 'अपॉइंटमेंट' 'महंत'
'ऑथेल्लो' ची घेतली 'मराठी माती' मधून |
'*र*सयात्रा ' 'नटसम्राटाची' 'स्वगत' म्हणत
वाचित 'शंभर कवितां ' ची 'रूपरेषा' ठेवून | |४ | |
'*वा*दळवेल ' कोठे म्हणत 'पिंपळपान'
होऊन 'किनारा' शोधला 'जादूची होडी'तून |
*ड*गमगली न ती'फुलराणी' 'जान्हवी' व
'काव्यवाहिनी' 'वैजयंती' होऊन | |५ | |
*क*ल्पनेच्या तीरावर ' 'कौंतेय' 'वैष्णव'
यांना भेटून ती 'ययाती देवयानी' बनली |
*र*म्य 'प्रवासी पक्षी ' होत 'सतारीचे बोल'
ऐकून 'हिमरेषा' होऊन 'आनंद'ली | |६ | |