कर्माची फळे
कर्माची फळे
1 min
193
ढाळले अश्रू नयनातुनी एकांतात
पाहिले ते कोणीच नाही
वाहिल्या लोचनातूनी धारा
पुसले त्याशी कोणीच नाही
कर्माची फळे आली भोगावयाशी
आयुष्यात पुण्य उरलेच नाही
पापी मनुष्य असा जाहलो मी
सत्कर्म हातून घडलेच नाही
छळले असेल का कोणाशी मी
पाठीराखा मज कोणीच का नाही
दोष देऊ उगीच कोणास आता
निर्दोष तर मी स्वतःहाही नाही
एकांत क्षणी लावतो हिशोब सारा
माझ्या सारखा पापी इथे कोणीच नाही
उरले न सुख आयुष्यात माझ्या
देवा जगण्याची आज इच्छाच नाही
केलती कृपा ईश्वराने मजवरती
दुष्कर्म पण मी सोडलेच नाही
ऊतू गेले कुकर्म माझे सारे
देवा मज हे कळलेच नाही