क्रांतिज्योती सावित्रीबाई फुले
क्रांतिज्योती सावित्रीबाई फुले
स्त्रियांसाठी लढल्या त्या
स्त्रियांसाठी झटल्या त्या
स्त्री शिक्षणाचा पाया रोवणाऱ्या त्या
दगड अन् शेण अंगावर घेऊन ही लढणाऱ्या त्या
स्त्री शिक्षणासाठी केलं त्यांनी खूप काही सहन
तरी राहिल्या त्या लढत करुनी विचार गहन
धूळपाटीवर मातीच्या मनोरे ज्ञानाचे रचून
ज्ञानी बनवण्यासाठी समाजाला आल्या पुढे सरसावून
झोपलेल्या अंधार पांघरूण समाजाला युगानुयुगे
आयुष्य सारे गेले त्यांचे करण्यास त्यांना जागे
संघर्षांना अनेक जावून सामोरे हार कधी त्यांनी मानली नाही
आत्मविश्वासाने त्या सामोऱ्या गेल्या धैर्य आपले खचु दिले नाही
जाज्वल्य ज्योत स्त्रिशिक्षणाची ठेवूनी मनात तेवत
मिळे पर्यंत यश त्या खंबीरपणे राहिल्या लढत
विधवा अन् अस्पृश्यांसाठी ही त्यांनी केले महान कार्य
मर्यादित नव्हते त्यांचे केवळ शिक्षण क्षेत्रापुरते कार्य
होत्या त्या शिक्षिका, समाजसुधारक अन् कवयित्री
सांगावी किती महती आहे साऱ्या जगात त्यांची ख्याती
अनन्यसाधारण प्रतिभावंत त्या साऱ्यांच्या आई
आदर्श साऱ्यांच्या ठरल्या क्रांतिज्योती सावित्रीबाई