कपबशी

कधी मी कपात तर

कधी असते बशीत|

कधी खू्प क्रोधात तर

कधी खूपच खुशीत||१

कपातला चहा शीघ्र

थंड होता होईना|

बशीतला चहा गरम 

राहता राहिना ||२

कधी माझा राग

शांत होता होईना|

कधी प्रयत्न करुनही

मला क्रोधच येईना||३

प्रत्येकाचे बहुदा 

असेच होत असते|

आपले आपल्यालाच

काही कळत नसते||४

जवळचे आपल्याला

दूर वाटत असते|

तर दूरचे आपल्याला

जवळ भासत असते||५

दिसते तसे नसते

म्हणूनच जग फसते|

सत्य त्यागून असत्यच

कवटाळत का बसते||६